† César Keiser ( 4. April 1925 - 25. Feb. 2007 )


Langsam wird me alt und älter
Duss ischs warm - doch jetzt wirds kälter
die sinn jung, du bisch e Greis
mit Pille, Pülverli, Tablette
versuechsch di z rette
zellsch uf dy Natur -
Zum grosse Ärger
merggsch gly
d Natur isch stergger

Hinde zwickts, vorne stichts
denn stellt sich aine vor mit Namme PARKINSON
und au d Familie KRÄBS isch pletzlig Gascht bi mir...

E ganze Katalog vo Bräschte zeigt, dass du
my liebe Tod vo Basel, zwor mit vyl Geduld
doch unerbittlig wartsch

wart bitte wytter - es pressiert jo nit!

Ob du e bitzli friehner oder speeter
im Kryzgang näbem Apithekergärtli
dy Totetänzli zelebriersch, mit mir als Tanzbeglaitig
kunnt, glaub ich
doch fir di nit gross druf a! Du hesch jo Zytt -
ych ha si nimm -

Drum gniess y die, wo du mir losch,

Y gniess si Dag fir Dag - us vollem Härz -
bis zue däm wilde Trummel-Wirbel,
wo du, als alte Basler, mit zwai Knöche in de Händ
uf d Kalbfälltrummle schlohsch -
Der Ändstraich, vorwärts - marsch!

verschtohsch -

Jä, wenns denn sy muess, muess es sy -
denn gohsch und stohsch vor d Clique ane,
hegschti Zyt - "Sinn alli do?"
mer hängge no ne Runde dra - zum letschtemol:
Der ganzi Harst mit Gostym, Larve, Requisite,
d Lampe vorus,
Tambure vorne, d Pfyffer hindedra
und ich als Tamburmajor mit em Risekopf
s Härz wird der waich,

Der Ändstraich
Vorwärts - Marsch!

 (Text: César Keiser,  August 2006)

 

Rede von Franz Hohler
anlässlich der Abdankungsfeier für César Keiser im Grossmünster Zürich
am 12. März 2007


 Predigt von Pfr. Christoph Sigris
t
anlässlich der Abdankungsfeier am 12. März. 2007
PDF hier klicken! 


  Rede von Stadtpräsident Elmar Ledergerber
anlässlich der Abdankungsfeier für César Keiser im Grossmünster Zürich
am 12. März 2007
  PDF hier klicken!